ion>
Bärner Mundart us Kanada
Gschichte und Gedanke
us mym Läbe…
verzeut und ufgschribe:
Ursula Thierwächter
© 2020 Ursula Thierwächter
Verlag & Druck: tredition GmbH, Halenreie 40-44, 22359 Hamburg
ISBN: 978-3-347-04068-7 (Hardcover)
ISBN: 978-3-347-04069-4 (e-book)
Das Werk, einschließlich seiner Teile, ist urheberrechtlich geschützt. Jede Verwertung ist ohne Zustimmung des Verlages und des Autors unzulässig. Dies gilt insbesondere für die elektronische oder sonstige Vervielfältigung, Übersetzung, Verbreitung und öffentliche Zugänglichmachung.
Bibliografische Information der Deutschen Nationalbibliothek
Die Deutsche Nationalbibliothek verzeichnet diese Publikation in der Deutschen Nationalbibliografie; detaillierte bibliografische Daten sind im Internet über http://dnb.d-nb.de abrufbar.
Inhalt
jede no so churz Momänt isch es Gschänk…
S‘Vorwort
Ganz e normali Frou
E schwirige Start
Es Ersatzchind
Tierliebi
Wie isch di Name?
Und immer wieder dä Troum
I dr Schueu
E Lehrplätz
Aaschrübeler
Gäng am ne Samschtig
S’alte Huus im Bläuerain
Z’Bsuech by Eggers
Im Land-Dienscht
Im Naturfründehuus Ämmital
S’Marzipansöili und so wägem Teile
Am erschte Ouguscht
Myner Haflinger
Tischlein deck dich
My Lehr i dr Beckerei
My Brüeder dr Mändu
My Bsuech z’Amerika
Bauer ledig sucht, Hofwuche z‘Kanad
Dr Urs
Was machsch de eigentlich ou gäng, i däm Kanada?
Die erschti Zyt
D’Wöscherei vo dr Frou Hueber
Eh, bisch du e Totsch
Pousemilch
D‘Chocherei
Am John siner dritte Zäng
Aromat, Appezäller und Konsorte
S’Miggi und s’Gälbe Heftli
Chrutt und Chrüttli
Geburtstagsmuffle
Und was nimmt me mit?
Isch nid so schlimm
Male nach Bob Ross
Warum duurets ou so lang?
Du hesch müesse ga
Nume es Gjammer
Zuefall oder was?
Dankbar sy
Sorry und please
I dr Zytig isch gschtande:
I bi dankbar für all die Mönsche,
wo mi bis zum hütige Tag begleitet hei.
Es chunnt nid druf aa wie wyt mir zäme gange si,
jede no so churz Momänt isch es Gschänk…
S‘Vorwort
Syt dir normal? I meine, heit dir s'Gfüehl, dir siget normal? Jäää…wenn dir euch da nume nid tüüschit. I weiss vo was i rede. Füfzg Jahr lang han i nämlich ou gmeint, i sigi ganz e normali Frou. Bis i drvo ha aafa rede, nach Kanada uuszwandere, zumene Maa, won i nume vom Internet und vom Telefoniere här kennt ha. Da bin ig ungereinisch ke normali Frou me gsi. Gar mängi Meinig han i mir zu myne Uswanderigsidee müesse aalose:
"Du kennsch dä Tip z’Kanada doch gar nid richtig, was machisch de, wenn's nid so usechunnt wie du dänksch, dass es sötti? Und überhoupt, was wotsch de ou in däm Kanada? Du hesch doch e Vogu, i dym Alter no so öppis Verruckts ga mache." So und ähnlich, het es vo myne Lüt tönt.
Jä nu, i ha s'Beschte us myne Wächseljahr gmacht und ha nid nume d'Hormon gwächslet, sondern ou d'Heimat. I bi mit einefüfzgi nach Kanada uusgwanderet. Ha mys ganze Läbe ufe Chopf gschteut. Die einte hei scho rächt gha, es isch nid aues so usecho wien is erwartet ha und nid aues isch besser hie, als Deheime, i dr Schwiz…aber angersch isch es…gaaaanz angersch.
Im April 2020, faat my zwänzgischt Summer hie z’Kanada aa, im Septämber si dr Urs und i, nünzäh Jahr ghürate und syt 2007, bin i ou uf em Papier Kanadierin.
Mängisch isch es guet nid normal z'si und überhoupt, was isch scho normal? Wo isch dr Fun, wenn me gäng nume
