Ёшлар орасида миллий ғоя тарғиботи самарадорлигини ошириш. Баходиржон Шермухаммадов

Монография бугунги кунда маънавий-ахлоқий таълим ва тарбия жараёнини ташкил этиш ва ёшлар онгига миллий ғояни сингдиришда муҳим аҳамият касб этади. Унда ота-боболаримизнинг маънавий жасорати, юрт тинчлиги, халқ фаровонлиги йўлида кўрсатган улкан ишлари даврий тарзда аниқ тарихий фактлар билан баён этилган ва илмий жиҳатдан изоҳлаб берилган. Монографиянинг педагогик жиҳатдан ютуғи шундаки, ёшларнинг эмоционал-ҳиссий дунёсини бойитади, шахс намунаси орқали уларнинг тасаввурларини ривожлантиради ва воқеликка шахсий муносабатларини шакллантиришда муҳим манба бўлиб хизмат қилади. Шунингдек, монографияда миллий ғоя тарғиботини замон талаблари асосида ташкил этиш, ёшларимизни турли мафкуравий хуружлардан ҳимоя қилиш, уларда воқеаларга дахлдорлик ҳиссини ошириш ва мафкуравий иммунитетни шакллантириш каби масалалар илмий асосда талқин этилади.