Ёруғ кунни соғиниб. Усанбоева Наргиза

Ушбу асарда ота-онанинг ажрашиб кетиши туфайли тирик етимга айланган тўққиз ёшли қиз – Мунисанинг ўгай ота қўлидаги қора кунлари тасвирланган. Уйдаги жанжаллар фақат у туфайли бўлгани учун қизалоқда савол туғилади: «Нега ота-онам нуқул мени деб урушади? Нима учун уларнинг ва укаларимнинг кўзлари қора, меники кўк?» Яна бир жиҳат – Мунисанинг шахсий ҳаёти, оилавий тўқнашувлар, эрнинг ақидапарастлиги оқибатидаги изтироблари… Хуллас, асар ўқувчини мутолаа сўнггига қадар ўз таъсирида ушлаб туради.Ота-она жанжали, етимлик, «жиноятчининг фарзанди» деган тамға бола руҳиятига қанчалик таъсир этиши асарда яққол мисоллар асосида ёритиб берилган.