Bir Daha Gelmeyecek. Reşad Mecid

      Bütün keçənləri alt-üst elədin,

      Bir ümid qalmadı gələcəyə də.

      İndi tapınmağa nə kitab, nə din,

      Hardasa bir işıq axtarmaq hədər.144

      Yaxşı nə vardısa, səndə göründü,

      Huri də, mələk də sən oldun ancaq.

      Bürüdün ömrümü sehirlə, sirlə,

      Dörd yanımda təkcə sən oldun ancaq.

      Sən məni təklədin145, hər kəsdən etdin,

      Açdın adamlara savaş dünyada.

      Axırda146 özün də qeyb olub getdin,

      Yalqız ulayıram147 bu boş dünyada.

      Tanrı sənə həmin şənbə,148 həmin gün

      İki üzlü tale149, qismət yazırdı.

      Öz əlinlə beşiyini yellədib,150

      Öz əlinlə məzarını qazırdı.

      Nə xəbərin olacaqdan, olandan,

      Açıq qollar nə bilirdin nə deyir?

      Nə biləydin göydən gələn mələk var,

      Nə biləydin indi kimi izləyir?

      Heyran gözlər nə şövq ilə baxışıb,

      Nə biləydin nə xəyallar uydurur?

      Kimin tale gülümsəyir üzünə,

      Kimə görən yaşıl bahar duydurur?

      Əgər bir nağıl152 vardısa,

      Təzə nağılı neynirdin?

      Söz-söz girib ürəyimə,

      Alıb ağılı, neynirdin?

      O qanadlı kəlmələrin,

      Sevgi adlı kəlmələrin,

      O xoş, dadlı kəlmələrin

      Buysa axırı,153 neynirdin?

      Qurdun pillə-pillə154 məni,

      Ovundurdun dillə məni,

      Sökdün qüllə-qüllə məni

      Dünyam dağıldı, neynirdin?

      De, mən sənə neyləmişdim? -

      Balacam155, aldatdın məni.

      De, haçan156 düzünü157 dedin,

      De, haçan aldatdın məni?

      Mən oldum bir dəli aşiq,

      Ruhum ruhuna sarmaşıq.

      Bədəndə od, gözdə işıq,

      Dildə «can» aldatdın məni.

      Nə dur dedin, dayan158 dedin,

      Nə yuxudan oyan dedin,

      Sonacan159 yüz yalan dedin,

      Sonacan aldatdın məni.

      Sənə sarı əl yellədim161,

      Gülüşlərimi yolladım,

      Son qərarımı qolladım –

      Mən sənə baxdım, mən sənə.

      Barmaqlarım döyəclədi162

      Telefonun düymələrin163.

      Dalınca boylanıb164 baxdım

      Uçub gedən kəlmələrin, -

      Mən sənə yazdım, mən sənə.

      O arxayın165 baxışlara

      Meyl etmədim, vəd vermədim.

      Heç kimsəyə hədd vermədim166,

      Mən səni tutdum, mən səni.

      Bir azdan göydə olacaqsan,

      Buludlardan yuxarıda,

      Ulduzlara yaxın,

      Orda rahat olur

               düşünmək,

               qərar vermək!

      Sən – göylərin hədiyyəsi,

                     Allahın bəxşişi,

      On gün əvvəlki səsim

      Yəqin oralarda

      10 min metr yuxarıda dolaşır.

      Bir az dinşə167,

                     sızıltılarımı

                     eşidəcəksən.

      Sən indi uçursan,

      Sən indi gedirsən,

      Sən indi göydəsən…

      Yadıma düşür168 sözlərin.

      – Gedək?

      – Uçaq?

      Kosmosa.

      Ulduzlara sarı169.

      Bədənində buludların yumşaqlığı,

      Əl atıb

      Bir ovuc Günəş götürüb

      Yudum üzümü.

      İlahi! Bura necə gözəldi,

                          nə rahatdı!

      Bu nə gözəl səyahətdi,

      Bura ki lap cənnətdi!