In die skadu van soveel bome. Hennie Nortjé
Чтение книги онлайн.
Читать онлайн книгу In die skadu van soveel bome - Hennie Nortjé страница 2
![In die skadu van soveel bome - Hennie Nortjé In die skadu van soveel bome - Hennie Nortjé](/cover_pre705950.jpg)
se laaste vlam.
Papierbaskanniedood
Papierbaskanniedood
(Commiphora marlothii)
Mens bly op elke flenter
so ’n paar woorde skryf,
welwetend dat jy êrens
windaf die legkaart
sinvol bymekaar moet kry.
Saag gerus die groen stam af,
ja, kap voor die voet als uit:
binnekort fladder hier
weer kraakvars blaaie
om jou van voor af te kasty.
Peulmahonie
Peulmahonie
(Afzelia quanzensis)
Laat die kinders vir oulaas
om die stam rinkink,
die oues van dae
’n laaste agtermiddag
onder die geveerde blare slaap
en mag die aap,
voor hy verskrik wegvlug,
nog ’n paar peule laat val
sodat ons verlaas stringe
swart en rooi krale kan maak,
iets van ons samesyn
om hiervandaan saam te dra.
Want net anderkant die rant
blaas die reuse-roetkopslang
en ’n hoofman hoër as ons hoof
het juis gister kom sê:
elke rooi gesaagde plank
sal ons soos pitte in gelid
dwars voor sy stomende dier moet lê.
Jakkalsbessie
Jakkalsbessie
(Diospyros mespiliformis)
Laat val in die skadu
ietsie nie te versmaai,
vos vreet, mis, bemes
en die boom groei tamaai.
Herfsmopanieblaar
Herfsmopanieblaar
Die surrogaatmoeder vir die keiserlike mot
neem selfs haar hoogheid se gedaante aan
as hul saam-saam terugfladder na die stof.
Byeboom, Knysnabos
Byeboom, Knysnabos
(Platylophus trifoliatus)
Kort ná die groot stormloop
moes Haar Majesteit se kommissaris
die delwery in die woud
as onlewensvatbaar deproklameer.
Maar by Jubilee Creek buig ’n witels
steeds laag af voor die stroom:
’n goue vloed van heuning
waarvan koninginne net kan droom.
Doringbome
Doringbome
Ware akasias dra
troppe vlymskerp dorings:
party reguit uitdagend
soos ’n gemsbok se horings,
ander hakerig na agter,
gereed en gekrom
soos ’n buffel se gaffels
vir die ondier se sprong.
Ná nag vir nag
vars karkasse
hoog óp
in sulke takke sleep,
blyk die dikvellige kat
steeds ongedeerd.
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.