tussen die branders
en boulders se pikkewyne
aandagtig
dan en wan
hand aan hand
kantel ons familiewenkbroue
teen die son –
dáár klein vissies
dáár waterpyl ’n pikkewyn
kyk ’n see-anemoon
’n glibberige glabberige waterblom
kom voel haar fraiings
kyk sy het ’n mond binne
kyk sy het iets binne …
en wankel skielik
probeer vergeefs my kind wegskerm
terwyl ek die onmoontlike hoenderbeen
uit die dieptes
van die anemoon uitsloep
nieu-bethesda
tree langsaam oor die veld –
die donker uile van verdriet
oge stom bottelglase
koppe stram sement gegiet
geen hemel hier
maar grys verwante
breek blitse kil
en woedend teen die rante
hoe los ons mekaar hier
so ver van orals
so naby nêrens
net ons en die uile en die sadness
stoksielalleen in lang wit gras
’n leeftyd wat versit
bars ’n kind die lewe in
gehael, geryp, skerfwit
berigte van herkoms / psalms vir die verste kind
… a bold daylight assault across the border on Wednesday,
leading to fighting in which two soldiers were captured …
07/12
soos altyd (of meeste kere)
begin ek dit weer
’n declaration – ’n vliegtuig wat kom
en jy moet opgee aan jou aparte lewe,
bymekaarskraap aan jou bietjies moed
… warplanes stepped up the pressure early Friday,
striking targets in the southern suburbs of Beirut …
07/14
om die uur oorlog dit
ek wil nader aan jou wees
maar ons praat omtrent nie meer nie
die bekaa-vallei blom in suile
van onbeloonde liefde
… hits on five tanks on the road to Bint Jbail and around Maroun
al-Ras, a hilltop village closer to the border that ground forces
seized in heavy weekend fighting …
07/23
ek onthou die letsel onder jou voet
ek onthou jou poppe giftig
jou hael in tantrums
jou afrikaans en my hebreeus
wat karig begrippe uitmeet
ek weet nie hoe om dit te sê nie
’n rocket val enige plek my verre-verste kind
die here weet
… one rocket collapsed a residential building and set it ablaze,
as rescue workers and civilians scrambled to help those trapped inside …
08/03
my dogter ek is ook op pad na jou
ek sal ’n manier deurkry
ek sal deurglip
ja, nie eers paspoortbeheer
of ’n x-straalmasjien
sal my keer nie
ek arriveer in tel aviv
en tref aan die vreemdeling
wat ek bevrees was jy sou word
wat sou hulle jou hier leer?
alles van buite het tot vyand ballisteer
… has previously warned that it would continue to fly over
Lebanon to prevent rearming with weapons smuggled …
10/31
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
