in 3A en derde Sebastian Breedt in jou klas,” antwoord sy.
Mevrou Kramer het eers laas jaar hier begin skool hou en ek het haar nog nooit eintlik goed bekyk nie. Ek sien nou sy het lang, pikswart hare en blou oë wat haar nogal gevaarlik laat lyk. Half soos ’n spioen. Of ’n geheime agent.
“Sebastian? Die ou wat ’n vegvlieënier wil word? Die ou wat ’n yslike groot bul getart het toe ons op ’n klasuitstappie was?”
As Sebastian die hoofrol teruggegee het, moes daar iets baie ergs gebeur het. Ek krap weer kop.
Voordat ek verder kan uitvra, lui die klok.
“So wat sê jy?” vra mevrou Kramer.
Ek sien aan haar glimlag sy weet wat my antwoord gaan wees. Miskien was sy in ’n vorige lewe regtig ’n geheime agent.
“Ek sal die saak vat,” sê ek.
“Hoeveel gaan dit my kos?”
“Die gewone.”
Sy lig haar wenkbroue vraend.
“Vyf pakkies Carpenters kougom,” verduidelik ek. “Meneer Meyer sal vir Juffrou sê waar om dit te kry.”
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
