и ржевским срок учинил быти у воевод в тех городех на веденьев день.
А се роспись, которым воеводам в которых полкех быти и в котором городе с людми збиратися:
В Володимере быти на Филипово заговенья боярину и воеводе князю Ивану Федоровичю Мстисловскому. А детем боярским к нему збиратися цареву и великого князя полку. И которым детем боярским быти с яртоулы и которым у наряду, срок им веденьев день.
А по полком воеводы:
В Суздале быти на Филипово заговенья Большого полку воеводам боярину князю Дмитрею Федоровичю Белскому да князю Володимеру Ивановичю Воротынскому.
В Шуе быти Передового полку воеводе князю Петру Ивановичю Шуйскому.
В Муроме быти Передового же полку другому воеводе князю Василью Федоровичю Лопатину.
На Костроме быти Правой руке воеводам боярину князю Александру Борисовичю Горбатого да дворецкому углецкому князю Василью Семеновича Серебренаго.
В Ярославле быти воеводам Левые руки князю Михаилу Ивановичю Воротынскому да Борису Ивановичю Салтыкову.
В Юрьеве быти Сторожевого полку воеводе боярину князю Юрью Михайловичю Булгакову.
В Ростове быти Сторожевого же полку другому воеводе князю Юрью Ивановичю Кашину-Оболенскому.
В яртоулех быти воеводам князю Дмитрею Ивановичю Микулинскому да Ивану Федоровичю Карпову, а стояти в Володимере.
И те воеводы все по сей росписи по полком в Казани были.
В Переславле был воевода князь Дмитрей Ондреевич Куракин. А к нему збиралися царева и великого князя полку псковские люди, помещики.
У наряду быти боярину Василью Михайловичю Юрьева, Василью Петровича Борисова, окольничему Федору Михайловичю Нагово. Да у наряду же быти головам з боярином Васильем Михайловичем Юрьевым: князь Василей княж Иванов сын Кропоткин, Ондрей Игнатьев сын Яхонтов, Иван да Василей Констянтиновы дети Замытцкого, князь Семен князь Иванов сын Гагарин, князь Семен княж Федоров сын Козловского, князь Иван княж Ондреев сын Дрютцкого, Семен Федоров сын Киселев, Михайло да Яков Михайловы дети Старого. Дьяки были у наряду Василей Колзак, Петр Федчищев, Шестак Воронин.
Ноября 24 день, в неделю, царь и великий князь, слушав у пречистые молебна, пошел на свое дело и на земское в Володимер, а с ним брат его князь Юрьи Васильевич да князь Володимер Ондреевич. А провожал царя и великого князя князь Володимер Андреевич до перваго стану, до Танинского. А пришол царь и великий князь в Володимер декабря в З день, во вторник пред Николиным днем. Декабря в 18 день отпустил царь и великий князь из Володимеря в Нижней Новгород окольничего Ивана Васильевича Шереметева да Ондрея Васильева сына Ондреевича Коробова. Декабря же царь и великий князь посылал из Володимера по отца своего по Макария митрополита околничего Ондрея Александровича Квашнина. И как Макарий митрополит да владыко
