with a blank and bewildered face.
‘He will be punished,’ the minister said. ‘Gie me yer hand, James.’ They stepped out of the road, and the minister waved the soldiers on. The prisoner was jerked forward on the rope. As he went he turned his head and fixed his eyes on the boy until the horses behind him obscured his view.
The minister clapped James’s head. ‘He thinks you are the cause o his punishment. But ye’re no. You are only God’s instrument, delivering his enemies up tae him. Noo, let’s see if we canna find yer uncle.’
James pulled away from him, in the direction the soldiers had taken. ‘I want tae see whit happens,’ he cried.
‘It’s no for your een. Come awa noo.’
But the boy struggled harder, echoing back the minister’s own words. ‘I delivered him up tae God. Let me see where they’re takin him.’
The minister seized him by both shoulders and lowered himself to his level. The blue eyes above the grey hairs on his cheeks seemed like pools of ice in deep caverns. The boy saw himself reflected in them.
‘Ye want tae witness God’s fury? Very weill then. But mind you are jist a bairn. Ye dinna ken yet whit God has in store for ye. He micht hae Heaven or Hell laid up for ye. Ye’re ower young tae ken. Sae think hard on whit ye see, James. I think ye are a guid laddie, a Christian laddie, but only God can look intae yer hert and ken the truth o it.’
Then they were striding after the soldiers, towards yet more folk coming in the other direction. There was a silence on these ones like a heavy load. A man was staring at the ground as he walked, shaking his head.
The minister began to call out as they went through them. ‘If it had not been the Lord who was on our side,’ he shouted, ‘if it had not been the Lord who was on our side, saith Israel, when men rose up against us, then they had swallowed us up quick, when their wrath was kindled against us.’
A woman was weeping. ‘They were bairns,’ she said. It seemed that she was ashamed even to speak such a thought before him. ‘They were jist bairns like oor ain, even if they were savages.’
‘Then the waters had overwhelmed us,’ the minister thundered back, ‘then the proud waters had gone over our soul. Blessed be the Lord, who hath not given us as a prey to their teeth.’
His strides were now so long that the boy James had to trot to stop himself being dragged. His hand was gripped in the iron hand of the minister. They were approaching the high bridge over the river. The soldiers had dismounted and left their horses tethered at one end. As the minister and the boy drew close they saw that the Irish was up on the parapet, his knees bent as he tried to maintain his balance. Swords were jagging against the backs of his thighs. They saw him stumble in the air, half-turn, heard his scream as he fell into the gorge below.
By the time the pair reached the middle of the bridge, the soldiers were leaving. One of them, wiping sweat from his brow, nodded a greeting to the minister. ‘Warm work the day, sir.’
The minister hoisted James up above the parapet so that he could see into the slow-moving river below. The Irish was face down, his body spinning like a graceful dancer in the current.
‘Is he deid?’ the boy asked.
‘Aye,’ said the minister. ‘I doot the faw has killt him.’
The boy raised his head and looked further downstream. There was a bend in the river there, and a rocky bank where a number of men were standing. Some were dragging things like swollen sacks from the water. Others had pikes fifteen feet long, and were using them to impale the floating sacks and bring them into the bank. The Irishes. There were piles of them lying wet and motionless in the sun. The river churned in little eddies as it swept round the bend, bringing the bodies in to where the men waited for them. If any of the Irishes still moved, if they tried to swim past or clamber out, men with pikes and clubs swarmed over them, and when they dispersed again the Irishes were still. The boy saw wee bundles the size of himself spread out among the skirts and plaids of the dead women. They were like dolls.
‘This river flows tae Hell,’ said the minister. ‘All God’s enemies sail on her.’ His voice had become gentle again. ‘James, we are a chosen people. We must dae God’s work. Dae ye ken yer Bible?’
‘Aye, sir. I read it tae ma mither when I’m wi her.’
‘And when ye’re wi yer uncle?’
James shook his head. ‘He disna hae a Bible.’
‘Ye shall hae a Bible o yer ain. And perhaps, if ye study hard at it, ye could learn mair than readin. Ye could be a college lad, wi the richt assistance. Would ye like that?’
He lowered James from the parapet. The boy’s last sight was of the body of the Irish he had found asleep on the moor, still spinning slowly as it approached the crowded bend of the river that flowed to Hell.
‘Would ye say I was weird?’
‘Fuck aye, I would certainly say ye was weird.’
‘Whit wey am I weird?’
‘Whit wey?’
‘Awright. In what ways would ye say I was weird?’
‘Well, there’s this talkin tae yersel for a start. That isna normal.’
‘Who says it isna? Whit dae you ken?’
‘It isna considered normal. It’s considered a sign o insanity.’
‘Baws tae that. Ye’ll need tae define normality first, and then insanity. Name anither instance o ma supposed weirdness.’
‘Ye seem very defensive. Truth gettin tae ye?’
‘Answer the question.’
‘It wasna a question.’
‘Answer!’
‘Shut up. I’m thinkin.’
After a long pause the mirror said, ‘Whit aboot the wey ye talk tae ither people?’
‘Whit dae you ken aboot that? Ye’ve niver seen me.’
‘I hae an informer.’
‘Aye, I ken whae that is. Weill, onywey, whit aboot it?’
‘That’s weird tae. Aw that monosyllabic stuff, starin intae space, repeatin back whit folk say tae ye. Dinna kid on ye’re no aware o it yersel. Dinna pretend ye huvna noticed.’
‘That’s how I am.’
‘It’s no how ye are here. Listen, we’re haein a normal conversation, awmaist.’
‘Listen?’
‘Ye
