всем оскудевшим в вере и потерявшим спасительный страх Божий враг всеивает злые плевелы страха своего, иже, по премудрому слову мудрейшего из людей – царя Соломона, есть не что иное, как лишение помощи от разума. Поистине, чем менее надежды и упования на Бога внутрь душ наших, тем более враг представляет злые безумныя измышления своя, производящие страх и мучения, иже есть преддверие мук геенских, ибо, по слову пророка, боязливая бо злоба, своим свидетельством осуждаема, выну приемлет во ум лютая, содержима совестью (Премудр 17 – 10—12).
Да минует нас чаша сия, да не приобщимся духу губителя душ наших, но да от чар и суетных мечтаний его отбежим и духом смиренным и сокрушенным в простоте сердец наших Сыном Твоим приняты да будем, Иже по всемилостивому ходатайству Твоему да изольет в души наша Духа Премудрости Своея.
Всем учащим и трудящимся ради просвещения братий своих милостивно вразумление Свое подай, да несут служение свое с любовью и страхом Божиим, ради блага ближних своих, яко призванные дати нелицеприятный ответ за делание свое на Страшнем Суде Сына Твоего.
Вразуми нас, в чем воля Распявшегося за нас Сына Твоего, Христа Бога нашего, всеблагая, всеугодная и всесовершенная, да познав милость Его о нас, недостойных и грешных, возблагодарим Его во всем житии нашем и всеми делами и помыслами нашими творити сию да потщимся, да тако, бурное море жития сего без порока прейдем и сетей лукавого тлителя смыслов избежав, достигнем вечного дома своего – Небесного Царствия Сына Твоего Христа Бога нашего и тамо прославим Его и Твое всемилостивое о нас грешных предстательство со всеми святыми во веки веков. Аминь!
Конец и Богу слава!
Пособие в гонении и всяком обстоянии сущим
Канон о оправдании, совмещенный с акафистом перед иконой Божией Матери «Игоревская» – Всех обидимых Покровительницей
Канон о оправдании
Песнь 1
Поем Господеви, славно бо прославися: коня и всадника вражия вверже в море, и бысть мне во спасение.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
Ныне приступих грешный и обремененный к Тебе, Создателю и Судии моему, и не имам бо в себе оправдания, ниже в делах моих, но да в Тебе, Спасе, оправдаюся.
Помилуй мя, Боже, и даруй ми оправдания Твоя.
Или
Помилуй меня, Боже, и научи оправданиям Твоим.
О, горе мне, грешному! От чрева матери моея исполнен есмь нечистот, к адамовым язвам своя приложиша, и чистоту свою погубил есмь, но Тобой, Всечистителю, да очищуся.
Слава: Безумнее, окаянне человече, в бездне окаляешися безмерных грехов своих, и паки в нее погружаешися, и опраданий Господних отметаешися, сильных изъятии тя от бездны греховныя
И ныне:
