aan
sy pa dink aan sy ma en dink
aan ’n tyd toe die see nog kon
praat en al die wêreld se stories
onder in die water
gebly het hy dink aan die stemme in sy are
oom Grootvis Visser dink aan sy mense
die mense en die santekraam
gaan ii
vergaan
vêr gaan
tydelik is alles
ver-heen en ver-weer
gaan daarmee heen
verlelik is goed
met
die tyd wat vêr van goed
was
sovêr
so vêr
Insha’Allah
miskien sal daar weer
’n wind kom
’n wind groot genoeg
en lief genoeg
grond genoeg
om my trug te
waai na waar
ek ook eenmaal dik
bedonnerd gebore is
Insha’Allah
gaan iii
heen is
waar ons moet gaan
altyd heen
teen stormwinde sonde
moet gaan en
wegkom weer dit is
’n moet vir ons om te
gaan
en vir tyd om in tyd
binne-in stil te staan
oorvertel 1
Desember 2009
wat is jou besigheid
ek soek inligting stories oor Skipskop
ek was nog ’n kind gewees daai tyd
daai fokken Kramer-jong het mos
daai song gesing so long Skipskop
met ’n Kaapse aksent nogals pure
djasgeit wit mens se sad en onse sad
is different hulle huil oor die plek
oor dit mooi was
onse mense huil oor hulle
net moet maak soos gesê was
ja oom maar ek wil weet wat daar
by Skipskop gebeur het
hoe het dit gelyk
wie het daar gewoon
ek het daar gebly en my ouers
ons het vis gevang
daai jare sonder permitte
ons kinders het nie baie geworrie
om te swem nie
die water was te blerrie koud
en die son was nie so beneuks soos
hy nou is nie
oorvertel 2
Februarie 2010
hier het ’n vrou gebly Mal Maria sy’t geloop met ’n lang tou om die nek met haar huissluitels aan een nag toe dood sy met die sluitels om die nek die wind het haar nek gebreek
julle Kaapse mense sê mos die son sien alles
hierso sien die mense alles
ek huil nie oor Apartheid-kak nie ek huil oor julle klo’goed net hoor van Distrik 6 ek kon nog die St Helena in my oumoeder se hare ruik maar bruin mense is net klopse papbekke en gomgatte om bruin te wees is glad nie so verkakte storie soos daai slamse voorgee nie en dan is dit nog die anner storie van boesman wees die problem is wanner jy jou mense se storie ken en daar’s nie ’n slams of boesman in nie maar jy moet maar ja en amen want al wat jy het is die oorvertel
die see spook by jou al trek jy tot teenaan die woestyn
die see is ’n teef met rooi skoene aan
oorvertel 3
Maart 2010
’n mens vergeet maar net omdat onthou jou opvreet
grond is ’n vuilheid as jy eers lief is vir ’n plek kan watte kak maar daar gebeur jy hou maar vas nie soos mens lief nie
jy wil nie weet hoe ek voel nie ek’s 84 jaar oud en as ek nou leegmaak spoil ek alles al my regop hou
dis beter om die storie in jou woorde oortevertel want ek wil graag hou wat ek het dis al wat ek het as ek dit ook weggee is ek regtig soos my kleinkind sal sê ’n happy loser
Klippie Klipkop se storie
Klippie Klipkop kind van mantel en kors
gebore in die moho discontinuity
kleinkind van die sial
sy ma was van sima afkomstig
toe kom die water die water het net
aanhou en aanhou kom tot vandag tot môre
Klippie Klipkop hanskind van Klippenkust
kragteloos in sy knechtschap sit
vas sit vas Klippie Klipkop naby de duivel
verby
