Here het dit vir my gedoen.
– LUKAS 1:25, ELISABET, JOHANNES DIE DOPER SE MOEDER
Elisabet het, anders as haar man, Sagaria, onmiddellik geglo sy is swanger en God die krediet daarvoor gegee. Kinderlike geloof, erkentlikheid en dankbaarheid het hierdie vrou gekenmerk. Hoe dikwels vergeet ons dat God inderdaad die Een is wie se Woord ons onvoorwaardelik moet glo. Soos Elisabet moet ons eer aan God gee vir sy werke, werke wat ons nie elke dag sien nie. Ons moet ons nie blind staar daarteen om letterlik te kan sien wat God doen nie, want dis nie geloof nie. Laat geloof ons oë oopmaak. God se werke gebeur om ons, al sien ons dit nie. Fokus dus op jou geloof in God. Prys Hom. Ere aan God wat mense gesond maak; ere aan God wat gesinne weer by mekaar uitbring; ere aan God wat gebroke huise rus gee; ere aan God wat nuwe lewe gee. Ja, God se Woord en werke is oral. Al wat ons moet doen, is om te glo en God se werke in dankbaarheid te aanvaar. Glo dit.
Deur in Hom te glo, al sien julle Hom nou nie, het julle reeds deel aan die saligheid wat die einddoel van julle geloof is.
– 1 PETRUS 1:8–9
18. Kyk boontoe en vorentoe
18
Kyk boontoe en vorentoe
’n Omkyk-geloof is nie vir Jesus aanvaarbaar nie. As jy Hom wil volg, verwag Hy dat jy dit met hart en siel sal doen.
– NINA SMIT
’n Mens moenie gedurig twyfel nie. Dan warm en dan koud wees vir die Here nie. Leef voluit vir Hom. As jy besluit het om ’n Christen te wees, beteken dit jy gee jou lewe vir die Here. Elke dag is vir ons as Christene ’n toets. Daar is soveel keer wat die duiwel wil hê ons moet twyfel – en omkyk. Daar is mense wat ons ten kwade wil beïnvloed en ons kop agtertoe wil draai. Twyfelgedagtes en onsekerheid maak dat ons wil omkyk en wonder of ons die regte besluit geneem het om Hom te volg. Sulke gedagtes en ’n geloof wat gedurig wankel, is nie goed genoeg vir God nie. Ons moet volhard in ons geloof, en God vir volharding en ’n sterk geloof vra. Slegs dan kan ons vooruitgaan sonder om te twyfel. Wanneer God in beheer is, is daar geen rede om te twyfel nie. Kies goed, werk voort en kyk vorentoe na die koninkryk wat Hy vir ons gereed gemaak het vir ’n ewigheid saam met Hom.
Iemand wat die hand aan die ploeg slaan en aanhou omkyk na wat agter is, is nie geskik vir die koninkryk van God nie.
– LUKAS 9:62
19. Alleenlik maar die kruis
19
Alleenlik maar die kruis
Behalwe die kruis, is daar geen ander leer waardeur ons by die hemel kan uitkom nie.
– SINT ROSE VAN LIMA
Ons moet elke keer opnuut besef daar is geen manier om die ewige lewe in God se teenwoordigheid deur te bring sonder om Jesus as die Seun van God te erken nie. Daar is baie ideologieë, baie filosofieë en baie denkrigtings in die wêreld. Daar is mense wat ander met hoë, geleerde terme wil oortuig dat die leer van Jesus Christus en sy opstanding nie waar is nie. Hierdie mense wil bloot ander se ondergang bewerkstellig. Net die Seun van God kan vir jou die lewe hierna oopsluit. Moet nooit staatmaak op ander se twyfelagtige maniere van doen en dink nie. Die God van liefde het ons juis so liefgehad dat Hy sy enigste Seun gegee het. Waarom sal ons twyfel aan ’n liefde van die Een wat Homself, sy eie lewe, op die spel geplaas het ter wille van ons?
Ek is die weg en die waarheid en die lewe. Niemand kom na die Vader toe behalwe deur My nie.
– JOHANNES 14:6
20. Ouderdom kán vrug dra
20
Ouderdom kán vrug dra
Eenmaal word ons almal oud en stil, en weet dan wat werklik waarde het en wat maar uitgeblus kan word.
– VIOLA RENVALL
My ma reken dis wat die ouderdom doen: Dit gee jou perspektief op die lewe. Dit skei die kaf van die koring. Jy besef wat regtig belangrik is en wat gerus maar geïgnoreer kan word. Die ouderdom het die voordeel dat dit jou moed gee, maar ook versigtig maak. ’n Mens is dus nie meer so dwingend impulsief nie, maar jy is, as jy daarvoor vra, vol geestesenergie. Dis hierdie lewenslus wat jy as ’n besitting moet waardeer, want nes jy niks materieel gehad het toe jy ’n baba was nie, so sal jy ook niks saamneem wanneer jy die dag sterf nie. Daarom is geestesgoedere die heel, heel belangrikste besittings wat ’n mens kan hê. Die vrugte van die Gees is wat jy bymekaar moet maak. Die vrugte van die Gees is “liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing” (Gal 5:22). Vra God om jou te help om hierdie vrugte mettertyd in jou lewe te laat ryp word sodat dit sigbaar word. Dan sal die naam wat jy agterlaat, ’n goeie een wees en jou voorbeeld betroubaar.
Alles in aanmerking geneem, het ons tog niks saamgebring toe ons in die wêreld gekom het nie, en ons sal ook nie enigiets saamneem wanneer ons sterf nie. As ons dus genoeg kos en klere het, laat ons tevrede wees.
– 1 TIMOTEUS 6:7–8 (NLV)
Конец ознакомительного фрагмента.
Текст предоставлен ООО «ЛитРес».
Прочитайте эту книгу целиком, купив полную легальную версию на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
