චිත්‍රපටය නැරඹූහ.
“සර්, ඒක නවත්වන්න! තත්පර කිහිපයක් ඒක පස්සට ගෙනියන්න, කරුණාකරලා, දැන් එක සැරේකට එක රාමුව ගානේ යවන්න. මම කියන කොටම නවත්තලා තියාගන්න ලෑස්ති වෙන්න.” තරුණ ෆෙඩරල් පොලිස් නිලධාරිනියක් පැවසුවාය. “මම හිතන්නේ මම මොකක් හරි දැක්කා… එතන පේනවද? ඒ මිනිහා එයාගේ නළල පිහිදැම්මා, බලන්න! එයාගේ ලේන්සුවේ දුඹුරු පාටක් තියනවා! එක්කෝ ඊයේ ගොඩාක් දූවිලි තියෙන්න ඕනේ, නැත්තම්… මම හිතන්නේ අපේ මිනිසා වේශ නිරූපණයක්, වේදිකා වේශ නිරූපණ ද්‍රව්‍ය පැළඳ ගෙනයි ඉන්නේ. අපි ඔක්කොමලා හරි, මම හරි, අඩුම ගානේ හිතුවේ මෙයා මැද පෙරදිග ඉඳන් ආපු කෙනෙක් කියලයි, නමුත් මට දැන් ඒ ගැන විශ්වාස නැහැ. බලන්න, එයාගේ නළල දැන් ටිකක් සුදු යි… හිඩසක් වගේ. ආපසු පස්සට ගිහින් ඒ ටික ආයෙමත් ධාවනය කරන්න, සර්, ඔයා කැමති නම්. බලන්න මම අදහස් කළේ මොකක්ද කියලා තේරෙනවද?”
“එයා යුරෝපයේ කෙනෙක් වෙන්න පුලුවන්ද?”
ඔවුන් එම වීඩියෝ පටයේ එම කොටස නැවත නැවතත් ධාවනය කළහ.
“සුසෙට්, මම හිතන්නේ ඔයා ඒකෙ මොකක් හරි හොයා ගත්තා” යැයි අණදෙන නිලධාරී ෆෙඩරල් පොලිස් කපිතාන් අලී අල්ලාවි පැවසීය. ඔයාලා ඒ ගැන හිතන්නේ මොකක්ද?”
බොහෝ දෙනා එකඟ වූහ, සමහරු අකමැත්තෙන්.
“ඉතින්, අපේ බෝම්බකාරයා අරාබි හරි, මේ ප්‍රදේශවලින් හරි, කොහෙත්ම වෙන්න බැහැ. එයා බෝම්බේ පුපුරවා ගන්න කොට ‘අල්ලාහු අක්බාර්!’ කියලා කෑගහලා නැහැ කියලත් මම දැක්කා.”
“එයාගේ මූණ ලංකරලා බලන්න අපිට පුළුවන් වෙයිද?”
කාන්තා තොරතුරු තාක්ෂණ විශේෂඥයා විසින් බොත්තම් කිහිපයක් ඔබා රූප රාමු කිහිපයක් එහා මෙහා කොට රූපයක් ගෙන තවත් බොත්තම් ඔබමින් එය පැහැදිලි වනතෙක් වැඩි දියුණු කළේය.
“සර්.”
“කරුණාකර, ඒක තිර දෙකටම දාලා හොඳ පැහැදිලි පිටපත් දුසිමක් මුද්‍රණය කරන්න.”
නිලධාරීහු තිරය සහ මුද්‍රණ යන්ත්‍රයෙන්
