align="center">Студентлар
Реформалар бара илдә,
Кайчак кыен аңларга.
Үзгәрешләр кагылачак
Хәтта студентларга.
Алар – булачак магистр,
Бакалаврлар гына!
…Ходай бирсен, чыкмасыннар
Бакалар булып кына!
Соңрак башлагыз
Яшьләр сыра, хәмер эчә,
Тәмәкесен пыскыта –
Коточкыч зыян китереп,
Гомерләрен кыскарта.
«Башламагыз» дигән сүзне
Ничек тә аңламыйлар.
…Алайса, әйдә, башлагыз,
Бар икән андый уйлар.
Бер генә үтенечем бар:
Тик башламагыз иртә,
Соңрак башлагыз, әйе,
Мәсәлән… сиксән биштә!
Кибеттән кайту
Кибеттән кайтып киләмен,
Кулымда – ике сумка.
Нәрсәләр алып кайтаммы? –
Шыгрым тулы йомырка!
Юлы гына гел боз, шайтан,
Газап бит һәрбер адым.
…Бер аягым таеп китте,
Һәм лапылдап егылдым.
Юк, юк, бозга түгел, кая! –
Шул сумкама тәгаен.
Йомыркалар ватылмады –
Сынды оча сөягем.
Хәзер мин хастаханәдә,
Гипсланган әзмәвер.
– Маладис, – диде хатыным, –
Бер йомырка ватылмаган,
Ә монысы… төзәлер.
Була…
Сыер – сөтле,
Кеше… – хөсетле.
Автобус йөртүчегә
Тукталышта туктатмадың…
Бул әле син чын ир-ат:
Акчаны яраткандай ук,
Пенсионерны ярат!
Оча сөяге
Анатомик театрда
Имтихан бара бүген.
– Сөйләп бир, – ди профессор, –
Миңа оча сөяген.
Күрсәт: кайда нинди әгъза
Булган шушы сөяктә?
Шәкерт кулга пинцет ала,
Әкрен китә сөйләп тә:
– Монда булган туры эчәк,
Монда – бәвел куыгы.
Монда – вена, артерия,
Алар унлап барлыгы.
Менә бу җирендә аның
Ирләр әгъзасы булган…
– Ә, юк, юк, шәкерт! Ул монда
Бары тик… булгалаган!
Чөнки оча сөяге
Хатын-кызныкы, надан!
ПАРОДИЯЛӘР
Ис
Яшисе килә!.. Яшь исе килә!..
Тальян тартсам
Җырлата,
Паспорт ачсам
Елата.
Яшисе килә!..
Пеләш исе килә…
Танк
Шул сандугач искә төште, Куенында төн кунгач.
Полигонда тузан купкан:
Танк анда, үкереп,
Бер урында бөтерелә
Йә йөри сикәлтәләрдә,
Бертуктаусыз сикереп.
Дөбер-шатыр бөтен дөнья,
Күрәсең насыйп булгач!
…Авыр танк искә төште,
Куенында төн кунгач.
Дуска
Юк,
