Bir Daha Gelmeyecek. Reşad Mecid

      Baxma ki, sakit319 dayanıb320,

      Qəfildən götürər səni!

      Qoparıb dostdan, tanışdan

      Evindən itirər səni.

      Qaldırıb göyün qatına,

      Mindirər şahlıq atına.

      Dad gətirib həyatına,

      Cənnətə yetirər səni.

      Əlində yarağın321 qalmaz,

      Dəftərin, varağın qalmaz,

      Heç nəyə marağın qalmaz,

      İşini bitirər sənin.

      Quruyarsan bulaq kimi,

      Bezər, doyar uşaq kimi,

      Bir qırıq oyuncaq kimi

      Qaytarıb322 gətirər səni!

      Özüm də bilmirəm, görəsən323 nədi

      Bu qədər əzabdan qoruyan məni?

      Necə adlamışam bu qədər səddi,

      Niyə aparmadı324 bu tufan məni?

      Hərdən mat qalıram325 sağ qaldığıma,

      Bu acı mərəzdən326 sağaldığıma.

      Min cür327 şübhə, güman gəlir ağlıma,

      Bəlkə hifz eləyib Yaradan məni?!

      Bir sözü qatildi, bir sözü qurban,

      Özü həm dərd verdi, həm də ki dərman.

      Özü xilas etdi öz azarından,

      Allahın bəxşişi – o adam məni!

      Səninlə bağlıdır328 həyəcanlarım,

      Ən rahat anlarım, xoşbəxt anlarım.

      Sənin nəğmən ilə qanad açmışam,

      Cənnətə düşmüşəm, göyə uçmuşam.

      Səninlə bağlıdır göz yaşlarım da,

      Dəli gülüşlərim, savaşlarım da.

      Yenə köməyim329 ol, bu çətin anda,

      Tapım o gördüyüm axarı330, bülbül.

      Qaytar331 o əvvəli səadətimi,

      Qaytar bəxş etdiyin baharı, bülbül.

      Gəzim qarış-qarış, addımbaaddım,

      O gözəl, o əziz diyarı, bülbül.

      Yenə səsin gəlsin, qoy qanadlanım,

      Qalxım nəfəsinlə yuxarı, bülbül -

                         Xarı bülbül!

      Elə möcüzələr yaratmısan ki,

      Elə dəqiqələr yaşatmısan ki,

      Olmayıb heç onun yüzdə biri də

      Nə mənim dünyamda,

                          nə bu dünyada.

      Sən elə telləri qırıb getmisən,

      Sən elə yaralar vurub getmisən,

      Təpəri332 yoxdu ki, dözüb dayansın,

      Nə mənim dünyamın,

                          nə bu dünyanın.

      Qəfil gəlişinlə suç eləmisən

      Sənsiz keçən ömrü puç eləmisən

      Vurmayıb heç333 zaman belə qar-yagış

      Nə mənim dünyamı,

                        nə bu dünyanı

      Bilmədim iblissən, ya mələk, Qadın,

      Ətri, gözəlliyi çiyələk Qadın.

      Bir də gəlməyəcək sənintək Qadın

      Nə mənim dünyama,

                     nə bu dünyaya.

      Mənim uca335 qalamı,

      Vurub boran, aparıb.

      Daş üstdə daş qoymayıb,

      Edib talan, aparıb.

      Qəlbinin təpəriylə,

      Beyninin bəhəriylə336,

      Özü öz əlləriylə

      Tikib-quran aparıb.

      Gözümdən yaş axıdıb,

      Qəm nəğməsi oxudub,

      Ya sunami337 dağıdıb,

      Ya da tufan aparıb.

      Gözlə, hamı yığışsın,

      Qurbanı kəsdir, saxla.

      Səadət qazanında,

      Payları isti saxla.

      Topala heyranları,

      Düzləri, yalanları.

      Az sına qurbanları,

      Qurtar bu testi, saxla.

      Üzünü işıq elə,

      Dərddən bir qaşıq elə,

      Bir az qarışıq elə,

      Mən doydum, bəsdi338, saxla.

      Günlərdən mənə

      Әn əzizlərini seçəcəm,

      Sözlərdən ayırmaq çətin olsa da,

      Dartıb ən dərinlərdən

      İstisini,

Скачать книгу