Diedeldonsie
Op ’n dag loop ’n koekoekhen en haar kuikentjie bos
toe om daar rond te skrop vir saadjies. Die kuikentjie
was geel en sy naam was Diedeldonsie.
“Onthou, moenie die groot sade eet nie,” sê Koekoek-
hen vir die kuikentjie. “Hulle sal in jou keel vassit en
dan kan jy hik en verstik.”
Maar Diedeldonsie is honger, en toe hy ’n groot
saad tussen die blare kry, sluk hy dit in.
Ugge, ugge. Hy begin hik. En verstik.
Die saad sit in sy keel vas.
“Ag, Diedeltjie, my donskind,” kerm Koekoekhen,
Diedeldonsie
6
en hardloop na die stroompie om water te vra.
“ Stroompie, gee tog ’n bietjie water.
Diedeldonsie hik en verstik.”
Die stroompie sê:
“ Gee my ’n akkerdoppie,
dan gee ek jou ’n bietjie water.”
Die hen hardloop na die akkerboom en sê:
“ Akkerboom, gee my ’n akkerdoppie,
dan gee die stroompie vir my water.
Diedeldonsie hik en verstik.”
Die akkerboom sê:
“ Skud my liggies heen en weer,
dan gee ek jou ’n akkerdoppie.”
Diedeldonsie
7
Die hen hardloop na ’n seuntjie en sê:
“ Seuntjie, kom skud die akkerboom,
dan gee hy my ’n akkerdoppie,
dan gee die stroompie vir my water.
Diedeldonsie hik en verstik.”
Die seuntjie sê:
“ Gee my ’n paar skoene,
dan skud ek die akkerboom.”
Die hen hardloop na die skoenmaker anderkant die
bruggie en sê:
“ Skoenmaker, gee my ’n paar skoene,
dan skud die seuntjie die akkerboom,
dan gee die akkerboom my ’n akkerdoppie,
dan gee die stroompie vir my water.
Diedeldonsie hik en verstik.”
Diedeldonsie
8
Toe lag die skoenmaker, want dit was sy eie seuntjie
wat die skoene gevra het. En hy sê:
“ Hier’s twee mooie skoentjies van leer,
gee my daarvoor ’n koekoekveer.”
Die hen gee die skoenmaker ’n koekoekveer,
die skoenmaker gee haar twee skoentjies van leer,
sy gee die skoentjies vir die seuntjie,
die seuntjie skud die akkerboom,
die akkerboom gee ’n akkerdoppie,
die stroompie gee water,
die hen gee die water vir Diedeldonsie . . .
en Diedeldonsie
hou dadelik op
met hik
en
verstik.
Diedeldonsie
10
My liewe
Kokkenennetjie
In die ou-ou dae het daar ’n haan en ’n hennetjie in
’n houthuisie met ’n groen deur en twee vensters met
groen gordyntjies gewoon.
Haan se naam was doodgewoon Haan.
Hennetjie se naam was Kokkenennetjie.
Omdat elke huis ’n muis moet hê, het daar ook
’n muis saam met hulle gewoon, en hulle was almal
doodgelukkig.
Maar naby die huisie, in ’n populierbos, het ’n
jakkals gewoon. ’n Jakkals met ’n spits snoet en rye
My liewe Kokkenennetjie
