In die land van pamperlang. Linda Rode
Чтение книги онлайн.
Читать онлайн книгу In die land van pamperlang - Linda Rode страница 5
![In die land van pamperlang - Linda Rode In die land van pamperlang - Linda Rode](/cover_pre706721.jpg)
die wye wêreld leer ken. Totsiens, Ma! Toerieloe!”
Mamma Ottepot vee ’n traantjie af en waai met
haar sakdoek.
“Mooi loop, Ottepotjies. Pasop vir die wolf. En ont-
hou, as mens klein is, moet jy slim wees.”
Die drie Ottepotte en die wolf
17
Eerste Varkie draf tot hy by ’n hoop strooi kom, en
hy bou vir hom ’n strooihuisie.
Die strooihalms knak in die wind, maar Eerste
Varkie is baie tevrede met sy huis.
Tweede Varkie gaan maak stokkies bymekaar en
bou vir hom ’n stokkieshuisie.
Die stokkies kraak in die wind, maar Tweede Varkie
is baie tevrede met sy huis.
Derde Varkie soek en soek tot hy genoeg bakstene
bymekaar het, en hy bou vir hom ’n baksteenhuisie.
Die baksteenhuisie staan stewig en vas in wind en
reën. Derde Varkie is hoogs tevrede met sy huis.
Sjloef, sjloef, sjloef, sluip Wolf nader uit die bos. Tok,
tok, tok, aan die deur van Eerste Varkie se strooihuisie.
Ottepotjie, Ottepot,
maak oop die deur
voor ek binnetoe beur!”
“Nog nooit nie!” sê Eerste Varkie.
Die drie Ottepotte en die wolf
18
Toe grom en brom die wolf: “Nou dan snoef ek en
snuif ek en blaas jou strooihuis om!” En hy snoef en
hy snuif en pfffuut, pfffuut, blaas hy Eerste Varkie se
strooihuisie om. Eerste Varkie storm by die agterdeur
uit, reguit na Tweede Varkie se stokkieshuisie. Wlap!
klap hulle die deur toe.
Sjloef, sjloef, sjloef, sluip Wolf nader uit die bos. Tok, tok,
tok, aan die deur van Tweede Varkie se stokkieshuisie.
“ Ottepotjie, Ottepot,
maak oop die deur
voor ek binnetoe beur!”
“Nog nooit nie!” sê Tweede Varkie.
Toe grom en brom die wolf: “Nou dan snoef ek en
snuif ek en blaas jou stokkieshuis om!” En hy snoef en
hy snuif en pfffuut, pfffuut, blaas hy Tweede Varkie
se stokkieshuisie om. Eerste Varkie en Tweede Varkie
storm by die agterdeur uit, reguit na Derde Varkie se
baksteenhuisie. Wlap! klap hulle die deur toe.
Die drie Ottepotte en die wolf
19
Sjloef, sjloef, sjloef, sluip Wolf nader uit die bos. Tok, tok,
tok, aan die deur van Derde Varkie se baksteenhuisie.
“ Ottepotjie, Ottepot,
maak oop die deur
voor ek binnetoe beur!”
“Nog so nooit as te nimmer!” sê Derde Varkie.
Toe grom en brom die wolf: “Nou dan snoef ek en
snuif ek en blaas jou baksteenhuis om!” En hy sssnoef en
hy sssnuif en hy sssnoef en hy sssnuif, maar hy kry dit nie
reg om Derde Varkie se baksteenhuisie om te blaas nie.
“Dan glip ek met die skoorsteen af, maar vang gaan
ek julle vang!” skree die wolf.
Derde Varkie bly doodstil. Hy sit gou ’n pot water
in die kaggel neer reg onder die skoorsteen, en hy en
Tweede Varkie en Eerste Varkie maak ’n yslike vuur
onder die pot.
Sjlirre-sjlorrr, glip Wolf met die skoorsteen af. Hy
plons binne-in die pot kookwater! En dit was die laaste
hoor en sien van Wolf.
Die drie Ottepotte en die wolf
20
Derde Varkie maak pap en spinasie vir aandete. Hy
sê vir sy boeties: “Sien, as mens klein is, moet jy slim
wees, het ons mamma mos gesê.”
Die drie Ottepotte en die wolf