чодра ва ҳар қандай ҳижоб ўрашни тақиқлаган. Полиция кўчаларда юзга тутилган ёпинчиқларни мажбуран олиб ташларди. Бундай сиёсат жамоат жойида чодрасиз ёки ҳижобсиз юриш яланғоч юришга тенг, деб ҳисобловчи диндорлар ва кўплаб оддий эронликларнинг ғазабини қўзғарди. Тақиқ Ризошоҳнинг ўғли Муҳаммад Ризошоҳ ҳокимиятга келиб, аёлларга яна ўранишларига рухсат бергунича 4 йил давом этди. 1979 йилги инқилобдан бироз вақт ўтиб, ҳижоб ўраш мажбурий қилинди.
3
МEХ – Мужоҳедин-э халқ (Халқ мужоҳидлари) ташкилоти (бошқа номлари: МКО ва Эрон Халқ мужоҳидлари). Эроннинг энг йирик мухолифат гуруҳи, Ислом Республикасини ағдаришга аҳд қилган. Ташкилотга 1963 йили сўлчи талабалар асос солган, марксист/исломий илдизга эга. МEХ Ислом инқилобида муҳим роль ўйнаган, лекин оятуллоҳ Хумайний томонидан бешафқат жазоланган. Унинг бош штаби Парижда жойлашган бўлиб, Эрон миллий қаршилик кенгаши номи остида фаолият кўрсатади.
4
Сазман – ташкилот. Бу ўринда МEХ назарда тутилмоқда.
5
Хоҳар – (форсча) опа ёки сингил.
6
Назр дуоси – шиа мазҳабига кўра бу дуо камбағал ва муҳтожларга ёрдам бериш эвазига Худодан истаганини сўраш учун ўқилади. Дуоларда одатда имомлар эсланиб, улар орқали илтижо қилинади.
7
Cионист – Исроилни яҳудийлар мамлакатига айлантириш тарафдори.
8
Жанда – фоҳиша, енгилтак.
9
Ҳизбуллоҳ (арабча: Аллоҳ партияси) – инқилоб пайти Хумайний ва унинг кучларига ёрдам бериш учун тузилган ҳаракат. Ҳизбуллоҳийлар атамаси мутаассиб ва ақидапарастларни англатади. Ҳизбуллоҳ аъзоси тузумнинг ашаддий ҳимоячиси, Ислом давлатини ҳимоя қилиш учун тажовуз/зўравонлик ишлатиши мумкин.
10
Мизогиния – аёлларни ёмон кўриш, улар ҳақидаги турли асоссиз тасаввурларга ишониш.
11
Мантия – аёлнинг қоматини яшириш учун кийимлар устидан ташлаб олинадиган ёпинчиқ.
12
Секанжабин – ширин ва нордон таъмли, асал ва сирка қўшиб тайёрланадиган ичимлик.
13
Амур – қадимги Рим мифологиясида севги Худоси. Дастлаб Амур камон ва ўқ билан қуролланган қанотли йигит сифатида, кейинчалик одамлар ва Худоларни севги азобига мубтало қиладиган муғомбир бола сифатида тасвирланган.
14
Шиша – метамфетамин, оқ кристалл модда. У кучли психостимулятор, гиёҳванд модда ҳисобланади.
