Bir Daha Gelmeyecek. Reşad Mecid
Чтение книги онлайн.
Читать онлайн книгу Bir Daha Gelmeyecek - Reşad Mecid страница 20
![Bir Daha Gelmeyecek - Reşad Mecid Bir Daha Gelmeyecek - Reşad Mecid](/cover_pre1268811.jpg)
İslaq dəsmal527 kimi
Beynindəki yaralara qoyub soyudarsan.
Düşünərsən, keçdi daha,
Unuduldu ağrıların, sakitləşdi beynin,
Qəfildən528 hansı sözlə, hisslə,
Bilməzsən peyda olduğunu -
Sanki bir əl sinənin altından girib
Ürəyini bir dəfə sıxıb çıxır.
Barmaqlarının göyərmiş yerlərini
Hiss edirsən,
Hətta gözucu baxıb
Dərinin altından
Göyərmiş529 barmaq yerlərini görəcəksən.
Elə onda beynindəki yaraların
Qaysaqları530 qapaq kimi atılıb,
açılıb töküləcək
Və təzədən531 başlayacaq işgəncələr, iztirablar.
Qorxacaqsan,
Ağrıların həmişəlik olduğuna inanacaqsan.
SUAL
Ən qəliz532 anlarda,
Sözlərinin düzlüyünü
Bilmək istədiyim zamanlarda
Gözlərinə baxdım.
Dərin gözlərindən
Pilləkən533 qoyub
Ürəyini, beynini
Gəzib çıxdım.
Nə kipriklərini qırpdın,
Nə incidin.
Saflığına,
Duruluğuna
Әmin oldum.
Sevindim,
Daha çox sevdim.
İndi birdən
Baxışlarını qaçıranda duruxdum534.
Deməli535, nəsə olub,
Deməli, orda -
Dərinliklərdə
Nəsə536 yerində deyil,
Heç pilləkənə də –
Enməyə,
Düşməyə,
Qalxmağa537 da
Gərək yoxdu;
Neynəmisən?538
ƏGӘR 539…
Əgər bircə dəfə
Səni
Beynimin dərinliklərindən
Çıxarıb
Yerinə nəsə qoymağı bacarsaydım,
Əgər ürəyimin üstünə
Bələdiyim ürəyini
Çıxarıb ovcumda saxlasaydım,
Mələşən,
Çığrışan,
Ağzını açıb yem istəyən
Hüceyrələrimi
Süni qidalarla doyuzdursaydım,
Əgər səni cəmisi bircə dəfə,
Heç olmasa, bircə saatlığa -
Ya futbola baxanda,
Ya tədbir aparanda540,
Kitab oxuyanda,
Çıxış eləyəndə541 -
Unutsaydım,
Unuda bilsəydim,
Çoxdan unutmuşdum.
Amma etmədim,
Bacarmadım,
İstəmədim,
Ağlımdan da keçirmədim -
Mən bu yaşamı seçdim.
Beynimin hər an səni düşünməsini,
Ürəyimin səninlə döyünməsini,
Hüceyrələrimin səninçün çığırmasını…
SEVDİM.
GUYA Kİ…
Guya ki, görmürəm,
Guya ki, baxmıram,
Etinasızam542,
Vecimə deyil guya ki…
Amma gözümün ucu
Telefondadı.
Ürəyim də
İşığının yanmasına
bənddi543 ki,
Pırıldayıb uçsun!
ÇİLDAQ 544
Sən beynimi oyaq hala gətirib,
Bədənimi yazıq günə qoymusan545.
Əzablarda, ağrılarda itirib,
Hər sitəmi, hər ələmi qıymısan.
Bu qorxudan tir-tir əsir546 ürəyim,
Baxışlarım don qalıbdı üzümdə.
Qulaqlarım sözlərini eşitmir,
Yüz ağrılı an qalıbdı gözümdə.
Öpüşündən isti keçmir qanıma,
Az öncənin duyğusunu oyatmır.
Diz çökməyin, yalvarışın, göz yaşın,
Hüceyrəmin uyğusunu oyatmır.
İndi daşam, indi heykəl, indi qum,
İndi məni hansı torpaq götürər?
Bu ağrını nə çıxarar canımdan,
Bu qorxunu hansı çildaq götürər?
SӘYAHӘT
Sənsiz getdiyim yer -
İstər Vaşinqton olsun,
İstər Milan,
İstər müqəddəs şəhər!
Heç nə -
Bir
527
Mendil
528
Ansızın
529
Morarmış
530
Kabukları
531
Yeniden
532
Karmaşık
533
Merdiven
534
Duraksadım
535
Demek
536
Bir şey, bir şeyler
537
Çıkmaya, tırmanmaya
538
Ne yapmışsın
539
Eğer
540
Toplantıyı yönetirken
541
Konuşma yaptığımda
542
Kayıtsızım, umursamazım
543
Bağlıdır
544
Dağlama (Bir şeyden çok korkmuş birini geçirdiği ruhi sarsıntıdan, şoktan kurtarmak için hoca, üfürükçü vb. tarafından kızgın bir mühürle dağlama ve bu yolla tedavi etme tarzı. )
545
Zavallı duruma düşürmüşsün
546
Titriyor