Bir Daha Gelmeyecek. Reşad Mecid

      Qucaqlayıb yastığın sol küncünü501,

      Büzüşmüsən buz yataqda soyuqdan.

      İtirmisən sən kələfin502 ucunu,

      Fikirlərin çabalayır bayaqdan503.

      Ya səsindən biganəlik duyulub,

      Ya getmisən buz sözünün badına504.

      İndi beynin sırsıradan505 ayılıb,

      İndi düşür dediklərin yadına.

      Öz xoşunla506 yuvarlandın sürgünə,

      Baharını qışa, qara dəyişdin.

      Al Günəşi yastığının küncünə,

      Ağ əlləri boz divara dəyişdin.

      İndi daha əlin yetməz, çətindi,

      İndi daha çıxılmazda, dardasan.

      Cənnətdəydin – bütün göylər sənindi,

      Bir gör harda olmalıydın, hardasan?!

      Məni buludlar üstə

      Gəzdirənim sağ olsun.

      Ən dərin dəryalarda

      Üzdürənim sağ olsun.

      Uzadıb əllərini

      Faş elədi507 sirrini.

      Yaşamağın sehrini

      Sezdirənim sağ olsun.

      İşıq saçar, nur çilər

      Hər ötən508 dəqiqələr,

      Hər günümə nəğmələr

      Yazdıranım sağ olsun.

      Nə sabahdı, nə dünəndi,

      Balıq kimi sürüşkəndi510.

      Görərsən əlindən çıxdı,

      Düşdü, yumalandı İNDİ.

      Ha dartışdır511, ha çək uzat,

      Nə bir saat, yarım saat.

      Beş dəqiqəlik canı yoxdu,

      Göz qırpımlıq andı İNDİ.

      Dillər nağıl söyləsə də,

      Ən gözəl sözlər desə də,

      Gözlərdən ki, şeytan baxdı,

      Nə var ağ yalandı İNDİ.

      Yaxanı çəkmə qırağa512,

      Bu əzabdan qurtulmağa

      Ən münasib, dəqiq vaxtdı,

      Ən doğru zamandı İNDİ.

      Bu çəmənin vədəsiz

      Solanı bizlik513 deyil.

      Ağır axan zamanın

      Son anı bizlik deyil.

      Sil üzündən boyanı,

      Ruh yenidən oyanır.

      Götür daha, riyanı,

      Yalanı, bizlik deyil.

      Sürünüb qarış-qarış,

      Vurar çatana alqış.

      Allahım, özün qarış,

      Qalanı bizlik deyil.

      Bir yol514 qonsa dodağına,

      Təkrar-təkrar deyiləndi.

      Ayağı yer tutan kimi515

      Yeriyəndi, yüyürəndi516.

      Qanqaltək törəyib, artıb

      Çoxalandı, böyüyəndi.

      Çiçəkləri sıxıb, əzib

      Çəmənliyi bürüyəndi.

      Kəməndini hazırlayıb,

      Qılıncını sivirəndi517.

      Ən alınmaz qalaları,

      Hasarları devirəndi.

      Bu təpədən o təpəyə

      Yumalandı518, dığırlandı519.

      Şişib-şişib, axır şartək520

      Partlayandı, dağılandı.

      Sonda ayaq altda qalıb,

      Sərçə kimi çırpınandı.

      Bir çırtmalıq canı yoxdu,

      Bircə çimdik521 qara qandı.

      Daşlaşdın, qaxaclaşdın,

      kötüyə522 döndün.

      Ağırlığın kürəyimi əzdi.

      Əyilib sola, aşırdım523 çiynimdən524,

      Ağır

Скачать книгу