avoidance of subordinate clauses in favor of coordinate clauses.PleonasmThe use of more words than is necessary to convey an idea. E.g. muta silentia.ProlepticA reference to something that has not yet occurred. E.g. Pygmalion is called “Paphian hero” before his daughter, Paphos, has been born.Transferred epithetThis occurs when an adjective that describes one noun is transferred to another. E.g. copia digna procorum instead of copia dignorum procorum.TricolonThree parallel words or phrases in immediate succession. E.g. iam iuvenis, iam vir, iam se formosior ipso.ZeugmaA rhetorical device in which a literal and a figurative meaning are linked. E.g. hanc [feminam] simul et legem Rhodopeius accipit heros.
Text of Book 10
inde per inmensum croceo velatus amictu
aethera digreditur Ciconumque Hymenaeus ad oras
tendit et Orphea nequiquam voce vocatur.
adfuit ille quidem, sed nec sollemnia verba
nec laetos vultus nec felix attulit omen. 5
fax quoque quam tenuit lacrimoso stridula fumo
usque fuit nullosque invenit motibus ignes.
exitus auspicio gravior. nam nupta per herbas
dum nova Naiadum turba comitata vagatur,
occidit in talum serpentis dente recepto. 10
quam satis ad superas postquam Rhodopeius auras
deflevit vates, ne non temptaret et umbras,
ad Styga Taenaria est ausus descendere porta
perque leves populos simulacraque functa sepulcro
Persephonen adiit inamoenaque regna tenentem 15
umbrarum dominum pulsisque ad carmina nervis
sic ait: ‘o positi sub terra numina mundi,
in quem reccidimus, quicquid mortale creamur,
si licet et falsi positis ambagibus oris
vera loqui sinitis, non huc ut opaca viderem 20
Tartara descendi, nec uti villosa colubris
terna Medusaei vincirem guttura monstri.
causa viae est coniunx, in quam calcata venenum
vipera diffudit crescentesque abstulit annos.
posse pati volui nec me temptasse negabo:25
vicit Amor. supera deus hic bene notus in ora est.
an sit et hic, dubito. sed et hic tamen auguror esse,
famaque si veteris non est mentita rapinae,
vos quoque iunxit Amor. per ego haec loca plena timoris,
per Chaos hoc ingens vastique silentia regni, 30
Eurydices, oro, properata retexite fata.
omnia debemur vobis, paulumque morati
serius aut citius sedem properamus ad unam.
tendimus huc omnes, haec est domus ultima, vosque
humani generis longissima regna tenetis. 35
haec quoque, cum iustos matura peregerit annos,
iuris erit vestri. pro munere poscimus usum;
quod si Fata negant veniam pro coniuge, certum est
nolle redire mihi. leto gaudete duorum.’
talia dicentem nervosque ad verba moventem 40
exsangues flebant animae. nec Tantalus undam
captavit refugam, stupuitque Ixionis orbis,
nec carpsere iecur volucres, urnisque vacarunt
Belides, inque tuo sedisti, Sisyphe, saxo.
tunc primum lacrimis victarum carmine fama est 45
Eumenidum maduisse genas. nec regia coniunx
sustinet oranti nec qui regit ima negare,
Eurydicenque vocant. umbras erat illa recentes
inter et incessit passu de vulnere tardo.
hanc simul et legem Rhodopeius accipit heros, 50
ne flectat retro sua lumina donec Avernas
exierit valles aut inrita dona futura.
carpitur adclivis per muta silentia trames,
arduus, obscurus, caligine densus opaca,
nec procul afuerunt telluris margine summae. 55
hic, ne deficeret metuens avidusque videndi,
flexit amans oculos. et protinus illa relapsa est,
bracchiaque intendens prendique et prendere certans
nil nisi cedentes infelix arripit auras.
iamque iterum moriens non est de coniuge quicquam 60
questa suo (quid enim nisi se quereretur amatam?)
supremumque ‘vale,’ quod iam vix auribus ille
acciperet, dixit revolutaque rursus eodem est.
non aliter stupuit gemina nece coniugis Orpheus
quam tria qui timidus, medio portante catenas, 65
colla canis vidit. quem non pavor ante reliquit,
quam natura prior saxo per corpus oborto.
quam qui in se crimen traxit voluitque videri
Olenos esse nocens, tuque, o confisa figurae,
infelix Lethaea, tuae, iunctissima quondam 70
pectora, nunc lapides, quos umida sustinet Ide.
orantem frustraque iterum transire volentem
portitor arcuerat. septem tamen ille diebus
squalidus in ripa Cereris sine munere sedit.
cura dolorque animi lacrimaeque alimenta fuere. 75
esse deos Erebi crudeles questus, in altam
se recipit Rhodopen pulsumque aquilonibus Haemum.
tertius aequoreis inclusum Piscibus annum
