werkloosheid en ellende, en die liggaamskrag is daar, al sluimer hy in gedwonge rus.
JOCHEM VAN BRUGGEN, skrywer, Ampie: Die natuurkind, 1924
Ons moet handelingsgedrewe wees. Die filosofie van handeling moet die hoeksteen van ons beleid wees . . . In ons geledere het ons mans en vroue van merkwaardige talent en vermoëns. Ons swak, wanordelike posisie word nie veroorsaak deur ’n gebrek aan talent nie, maar deur ’n gebrek aan wetenskaplike organisasie en benutting van daardie talent, deur ’n gebrek aan wilskrag. Afrikane! Ons redding lê in harde en sistematiese werk!
ANTON LEMBEDE, regsgeleerde en ANC JEUGLIGA-stigterslid en -president, 1941
Daar word druk toegepas oor wie ons moet aanstel en wat ons hulle moet betaal, maar tog lyk dit of die werkerskorps uit hulle pad gaan om ongeskik te wees vir indiensneming. Verwag ’n toyi-toyiende skare van kaalbors, assegaaiswaaiende krygers werklik om in ons harte te kruip sodat ons sal uithardloop om hulle in diens te neem?
ANDY DOTT, toerismesakeman, 2000
Die groeiende Afrikaanse ondernemersklas word deur die ‘slagoffergilde’ vervreem, en word ‘deurblaai-lesers’. Ná die deurblaai van die koerant word gesê: ‘Daar was niks in die koerant nie.’
WILLIE ESTERHUYSE, akademikus, in ’n brief aan Die Burger, 8 September 2011
In vandag se vinnig bewegende wêreld verwag ons oombliklike bevrediging. Maar om sukses te behaal in die regte wêreld vereis, op enkele uitsonderings na, harde werk, fokus en toewyding. Daar is soms gratis etes, maar dit is skaars en die meeste van ons sal nooit die kans kry om dit te eet nie. Ek weet nou baie minder as wat ek geweet het toe ek vyf-en-twingtig of vyf-en-dertig was, maar ek begryp die min wat ek weet baie beter. Daar is dus voordele in ervaring. Sommige jong mense waarmee ek gewerk het, wou dit nie hoor nie. Hulle het verwag om baie vinnig bevorder te word tot senior ingenieurs- en administratiewe poste omdat hulle slim was en oor ’n universiteitsgraad beskik het. In die meeste gevalle is dit wat jy in jou werk leer net so belangrik as wat jy op universiteit leer. Jy sal ’n baie beter fondament vir jouself in die lewe en in jou loopbaan gee as jy aanvaar dat sukses harde werk en ’n mate van geduld vereis.
BERNIE FANAROFF, astronoom, tydens ’n seremonie waarin hy ’n eredoktorsgraad van die Universiteit van die Witwatersrand ontvang het, Maart 2013
As jy dieselfde betrekking langer as sewe jaar beklee, het jy duidelik geen verbeelding nie.
JONATHAN JANSEN, onderwyskundige, Briewe aan my kinders, 2012
’n Werk, ’n werk, ’n werk is die skeidslyn by baie families tussen ’n ordentlike lewe en ’n aaklige bestaan.
NELSON MANDELA,
eerste president van ’n demokratiese Suid-Afrika (1994–1999) en Nobelpryswenner
Comrade Blade Nzimande kla die EFF het die ‘rooi kleur’ gesteel. Hy het nie kopiereg op die ‘rooi kleur’ nie. Daar is niks wat ons van hom kan steel omdat hy niks het behalwe daardie skuurpot gesig van hom nie. Waarom het hy nie gekla toe Vodacom rooi geword het nie?
JULIUS MALEMA, leier van die Economic Freedom Fighters (EFF), wie se kenmerkende rooi berets die leier van die Suid-Afrikaanse Kommunistiese Party, DR. BLADE NZIMANDE, ontstel het met die totstandkoming van die EFF, 2013
Ek kan ná al die jare nog nie daaraan gewoond raak dat ek betáál word vir my werk nie.
RYKIE VAN REENEN, joernalis, Rykie – ’n Lewe met woorde, Lizette Rabe, 2011
Jy word sleg betaal, maar dis nog steeds beter as werk.
RYKIE VAN REENEN, ibid.
Die wêreld die draai:
Vir die swaar wintertyd om ons lande te saai –
Of om luilekkerlewend die ploeg te laat roes,
En daarna ons vrugte of onkruid te oes.
C.J. LANGENHOVEN, skrywer en politikus, Ons weg deur die wêreld, 1913
Die slegte ambagsman beveel sy werk aan; goeie werk beveel sy ambagsman aan.
C.J. LANGENHOVEN, ibid.
Salomo het by ’n luiaard se akker verbygeloop. Had hy bietjie vertoef dan kon hy gebie het op die vendusie.
C.J. LANGENHOVEN, ibid.
Slaap laat solank as jy jou eie baas is en daar sal ’n tyd kom wanneer ’n baas jou sal laat vroeg opstaan.
C.J. LANGENHOVEN, ibid.
Op die ou end werk die vlytige man vir homself,
die luiaard vir ’n ander.
C.J. LANGENHOVEN, ibid.
Jou werk gaan uit jou hande uit die wye wêreld in en jou roem of jou blaam gaan daarmee saam, maar jy bly agter.
C.J. LANGENHOVEN, “Die roem van ons werk”, Versamelde werke, Deel X, 1934
Dis die smorende vuur wat swaarkry
En tog nie die kos kan gaarkry –
Die vrolike
